Qazaxda narkotik satıcısı saxlanılıb - FOTO

Qazaxda narkotik satıcısı saxlanılıb.

Bu barədə Avtosfer.az-a DİN-in Mətbuat Xidmətinin Gəncə regional qrupundan məlumat verilib.

Bildirilib ki, Qazax Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində rayon ərazisində narkotik vasitələrin qanunsuz dövriyyəsi ilə məşğul olan Sənan Bayramov saxlanılıb.

Onun üzərinə keçirilən baxış zamanı narkotik maddə olan heroin və marixuana, eləcə də bir ədəd elektron tərəzi aşkarlanaraq götürülüb.

Faktla bağlı Qazax RPŞ-nin İstintaq Bölməsində cinayət işi başlanılıb, əməliyyat-istintaq tədbirləri davam etdirilir.