Qazaxıstanda Nazarbayevin qardaşı oğlu saxlanılıb
Hadisə 13 Mart 2022 22:00 Oxunub 1586
Qazaxıstanda Nazarbayevin qardaşı oğlu saxlanılıb

Qazaxıstan Korrupsiyaya Qarşı Mübarizə Xidmətinin əməkdaşları ölkənin birinci prezidenti Nursultan Nazarbayevin qardaşı oğlu Kayrat Satıbaldıulını saxlayıblar. O, külli miqdarda vəsaiti mənimsəməkdə şübhəli bilinir.

Avtosfer.az bildirir ki, bu barədə Korrupsiyaya Qarşı Mübarizə Xidmətinin mətbuat idarəsi məlumat yayıb.Kayrat Satıbaldıulı barəsində vəzifə səlahiyyətlərindən sui-istifadə və "Kazaktelekom" SC-nin xüsusilə külli miqdarda vəsaitlərinin mənimsənilməsi faktları üzrə araşdırma aparılır. O, saxlanılaraq müvəqqəti saxlama təcridxanasına yerləşdirilib. Mətbuat xidmətindən bildiriblər ki, onun dövlətin təhlükəsizliyinə xələl gətirən digər cinayətlərdə əlinin olub-olmadığı yoxlanılır. Qeyd edək ki, Kayrat Satıbaldıulı 1970-ci ildə anadan olub. Bu illər ərzində o, Milli Təhlükəsizlik Komitəsində, hakim Nur Otan partiyasında (indiki Əmanət partiyası) müxtəlif vəzifələrdə çalışıb, bizneslə məşğul olub.

ŞƏRH YAZ
Ad

E-mail

Şərh