Qəbələdə avtomobil piyadanı vurub, vəziyyəti ağırdır

Qəbələ rayonunda piyadanın ağır xəsarət alması ilə nəticələnən yol qəzası baş verib.

“Report” xəbər verir ki, hadisə İsmayıllı-Qaraməryəm-Şəki avtomobil yolunun, rayonun Zarağan kəndi ərazisindən keçən hissəsində qeydə alınıb.

Belə ki, Qəbələ rayon Mıxlıqovaq kənd sakini Qafqaz Qafarlı idarə etdiyi "VAZ-2107" markalı avtomobillə hərəkətdə olarkən yolu keçmək istəyən piyada, Oğuz rayon Xaçmaz kənd sakini Rafiq Atakişiyevi vurub.

R.Atakişiyev xəsarət alaraq Qəbələ Rayon Mərkəzi Xəstəxanasına yerləşdirilib, vəziyyəti ağır qiymətləndirilir.

Faktla bağlı araşdırma aparılır.