Rusiyada tragikomik hadisə: Bankomatı oğurlamaq istədi, həyatından oldu - VİDEO

Rusiyanın Moskva vilayətində bankomatın partladılma anı ilə bağlı görüntülər yayılıb.

Hadisə yerli vaxtla gecə saat 03:47-də (Bakı vaxtı ilə 04:47-də) baş verib. Kadrlarda iki nəfərin bank şöbəsinə girdiyi görünür. Az sonra biri çıxaraq ətrafa baxır, heç kimin olmadığını gördükdə geri qayıdır. Bir müddət sonra partlayış baş verir.

Məlumata görə, partlayış qaz-hava qarışığından istifadə ilə bankomatı açmağa cəhd edərkən baş verib. Nəticədə oğrulardan biri həlak olub, ikincisi isə hadisə yerindən qaçıb. Kadrlardan belə aydın olur ki, o, ayağından yanıq xəsarəti alıb. Hadisə ilə bağlı yoxlamalara başlanılıb. Qeyd olunur ki, pullar oğurlanmayıb və onlara zərər dəyməyib.

Mənbə: Mk.ru