Sabirabadda 54 yaşlı qadını avtomobil vurub

Sabirabadda avtomobilin vurduğu 54 yaşlı qadın ağır xəsarətlər alıb.

Avtosfer.az-ın məlumatına görə, hadisə Sabirabad rayonunun girişində magistral yolun Qalaqayın kəndi ərazisindən keçən hissəsində qeydə alınıb. “Mercedes” markalı avtomobil yolu keçən Qalaqayın kənd sakini, 1968-ci il təvəllüdlü Muradova Nəzakət İslam qızını vurub. Piyada ağır xəsarətlərlə Şirvan şəhər mərkəzi xəstəxanasına yerləşdirilib. Yaralı qadın çoxsaylı sınıq xəsarətləri və daxili qanaxma diaqnozu ilə əməliyyata götürülüb.

Faktla bağlı araşdırma aparılır.