Binanın girişini bağlayan "BMW" belə yandırıldı - VİDEO

Sankt-Peterburqda evlərdən birinin yaxınlığında BMW markalı avtomobil tamamilə yanıb. Video “Piteraç” “Telegram” kanalında yayımlanıb.

Hadisə Fəhlə bulvarında baş verib. Kişi avtomobilini birbaşa binanın girişində saxlayıb və bununla da həyətə giriş-çıxışın qarşısını kəsib. Bu da yerli sakinlərdən birinin xoşuna gəlməyib və o, avtomobilə yaxınlaşaraq onun üzərinə yanar maye səpib, avtomobili yandırıb. Nəticədə avtomobil tamamilə yanıb. Bu anlar kameralara əks olunub. 

BMW-dən başqa, yaxınlıqda dayanmış “Kia Rio” da zərər çəkib. Yanğının təsirindən avtomobilin qabaq bamperi və farası əriyib. Polis hadisəni törədən şəxsi axtarır.

oxu.az