Şəmkirdə qadına qarşı soyğunçuluq edən şəxs saxlanılıb

Şəmkir rayonunda qadına qarşı zor tətbiq edərək soyğunçuluq edən şəxs saxlanılıb.

Avtosfer.az xəbər verir ki, hadisə rayonun Dəllər qəsəbəsində qeydə alınıb. Şəmkir rayon sakini, İ.Rzayev qəsəbə sakini, Ə.İsmayılova qarşı zor tətbiq edərək bank kartını, şəxsiyyət vəsiqəsini və 190 manat pulunu alaraq hadisə yerindən qaçıb. Şəmkir rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində hadisəni törətməkdə şübhəli bilinən şəxs saxlanılıb. Qeyd edək ki, İ.Rzayev keçmiş məhkum olub.

Faktla bağlı cinayət işi açılıb, araşdırma aparılır.