Şəmkirdə yanğın olub, xəsarət alan var

Şəmkirdə yanğın baş verib.

Avtosfer.az xəbər verir ki, hadisə rayonun Seyfəli kəndində qeydə alınıb. Kənd sakininə məxsus yaşayış evində anidən yanğın başlayıb. Dərhal hadisə yerinə FHN-in yanğınsöndürən avtomobiləri və canlı qüvvəsi cəlb olunub. Yanğın söndürülüb, yaxınlıqdakı evlərə keçməsinin qarşısı alınıb. Hadisə zamanı ev sahibi 1983-cü il təvəllüdlü Pərviz Həsənov övladını yanğından çıxarmaq istəyərkən xəsarət alıb. Həmin şəxs xəstəxanaya yerləşdirilib,vəziyyətinin kafi olduğu bildirilir. Yanğının baş vermə səbəbləri araşdırılır.