Sürücü keçiddə maşını piyadaların üstünə sürdü - VİDEO

Nəsimi rayonu Səməd Vurğun küşəsində yol hərəkəti qaydalarının pozulması ilə bağlı görüntülər yayılıb.
Avrosfer.az xəbər verir ki, hadisə küçənin “Zabitlər” parkının qarşısından keçən hissəsində baş verib.

Belə ki, 50-AZ-125 dövlət qeydiyyat nişanlı “Volkswagen” markalı avtomobilin sürücüsü piyada keçidindən istifadə etmək istəyən vətəndaşlara yol verməyərək hərəkətini davam etdirib. Qaydaları pozan an digər motosiklet sürücüsünün videoqeydiyyat kamerasına düşüb.
Görüntülərdə motosikletçi sürücünün hərəkətinə etiraz olaraq siqnal verdiyi də əks olunub. Qeyd edək ki, sözügedən ərazidəki piyada keçidindən məktəblilər tez-tez istifadə edirlər.
Hadisə ictimaiyyətdə narahatlıq yaradaraq sürücülərin piyada keçidlərində daha diqqətli olması zərurətini gündəmə gətirib.

Fidan