Taksi sürücüsü xanımın yolunu kəsdi və… - ŞOK VİDEO

Türkiyədə taksi sürücüsü qadın sürücünün qarşısında qəfil sürəti azaldıb.

Avtosfer.az “Hürriyyet”ə istinadla xəbər verir ki, hadisə ötən gün TEM şossesinin Hasdal-Okmeydanı yolunun Ankara istiqamətində baş verib. İddialara görə, təhlükəsizlik zolağında irəliləyən 34 TGY 11 dövlət nömrə nişanlı taksinin sürücüsü bir anlıq hərəkətlə orta zolaqda irəliləyən xanım sürücünün idarə etdiyi avtomobilin qarşısına keçib. İçində sərnişinlərin olduğu taksiyə dəyməmək üçün qəfil əyləci basan xanım sürücü bir müddət idarəetməni itirib.

İdarəetməni ələ aldıqdan sonra  pəncərəsini açan xanım taksi sürücüsünə "Ehtiyatlı ol, ikimizi də öldürəcəkdin" deyə qışqırıb. Daha sonra taksi sürücüsü xanıma qarşı təhqiredici sözlər işlədib. Təhqirləri eşidən xanım pəncərəni bağlayıb yoluna davam etmək istəyib. Lakin nalayiq hərəkətlərini davam etdirən taksi sürücüsü maşının qarşısına keçərək qəfil əyləc basıb. Xanım sürücü digər sürücülərdən kömək istəyib. Ətrafdakı sürücülər isə səs siqnalı ilə taksi sürücüsünə reaksiya veriblər. Həmin anların bəzilərini mobil telefon kamerası ilə lentə alıb. Bundan sonra taksi sürücüsü hadisə yerindən qaçıb.

Videonu təqdim edirik:

Şəfa