Tovuzda narkotik əməliyyatı - İki nəfər həbs edildi - FOTO

Tovuz rayonunda narkotik vasitələrin qanunsuz dövriyyəsi ilə məşğul olmaqda şübhəli bilinən iki nəfər tutulub.

Avtosfer.az xəbər verir ki, Tovuz Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində narkotik vasitələrin qanunsuz dövriyyəsini təşkil etməkdə şübhəli bilinən, əvvəllər məhkum olunmuş Yusif İsazadə müəyyən edilərək saxlanılıb.

Onun əlindəki çantaya baxış zamanı ümumilikdə 2 kiloqram marixuana, heroin və metamfetamin aşkar olunaraq götürülüb.

Polis əməkdaşlarının keçirdikləri digər əməliyyat tədbiri nəticəsində rayon ərazisində narkokuryerlik fəaliyyəti ilə məşğul olmaqda şübhəli bilinən Əskər Hüseynov da məsuliyyətə cəlb edilib. Ondan çəkisi 1 kiloqram olan marixuana və heroin aşkar edilərək götürülüb.

Faktlarla bağlı cinayət işi başlanılıb. Məhkəmənin qərarı ilə hər iki şəxs barəsində həbs qətimkan tədbiri seçilib.