Vətəndaşlardan 21 qanunsuz silah aşkarlandı

Hüquq-mühafizə orqanları tərəfindən qanunsuz saxlanılan silah-sursatın aşkar edilərək götürülməsi məqsədilə əməliyyat-axtarış tədbirləri davam etdirilir.

Daxili İşlər Nazirliyindən (DİN) Avtosfer.az-a verilən məlumata görə, dekabrın 11-də və 12-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 21 ədəd ov tüfəngi götürülüb.

Profilaktiki tədbirlər nəticəsində qanunsuz saxlanılan müxtəlif markalı dörd ədəd ov tüfəngi könüllü olaraq rayon polis şöbələrinə təhvil verilib.

Bütün faktlar üzrə polis şöbələrində müvafiq araşdırmalar aparılır.