Zaqatalada dönərdən zəhərlənənlərin vəziyyəti açıqlandı

Mayın 7-də saat 17:40-dan başlayaraq zəhərlənmə şübhəsilə 34 nəfər (21 qadın cinsli, 13 kişi cinsli olmaqla) Zaqatala Rayon Mərkəzi Xəstəxanasının Təcili yardım şöbəsinə daxil olub.

Avtosfer.az xəbər verir ki, bu barədə TƏBİB-dən bildirilib. Məlumata görə, onlardan 15-i uşaqdır. 

"Hər birinə zəruri tibbi xidmət göstərilib, 16 nəfər artıq evə buraxılıb. Digərlərinin vəziyyəti stabil olaraq qiymətləndirilir və gün ərzində evə buraxılmaları nəzərdə tutulur", məlumatda deyilir.

(apa.az)