İt qəza törədib qaçan sürücünü donmaqdan xilas etdi

İsveçrənin Vo kantonunda qəribə hadisə baş verib.  Avtosfer.az xəbər verir ki, gecə saatlarında baş verən qəzaya polis dərhal müdaxilə etsə də, sürücünü tapa bilməyiblər. Şahidlərdən biri sürücünün naməlum səbəbdən qayalıq əraziyə qaçdığını deyib. 

Polis dərhal hərəkətə keçib. Əks təqdirdə sürücü kəskin şaxtada dona bilərdi. Bunun üçün xüsusi təlim görmüş it çağırılıb. Polis iti qayalardan birinin yanından keçərkən hürməyə başlayıb. Məlum olub ki, qaçan sürücü burada mağaralardan birində yatıb. O, xilasedicilərin köməyi ilə düşürülərək idarəyə gətirilib. 

Polisin mətbuata bildirdiyinə görə, vaxtında müdaxilə edilməzsə, sürücü kəskin şaxtada donub öləcəkdi.

Vüqar Yaşaroğlu