Yanacaqdoldurma məntəqəsində mühərriki söndürmək niyə vacibdir? - Ekspert AÇIQLADI

Avtomobilləri istər maye, istərsə də qaz kimi yanacaqlarla təmin edən yanacaqdoldurma məntəqələri insanların daha çox istifadə etdiyi yer olduğu üçün partlayış kateqoriyalı ən təhlükəli obyektlər siyahısına daxildir. Sürücülərin məsuliyyətsizliyi səbəbilə yanacaqdoldurma məntəqələrində ən kiçik ehtiyatsızlıq insan itkisi ilə nəticələnir. Bu səbəbdən yanacaqdoldurma məntəqələrində yanğın və partlayış təhlükəsinə yol verməmək üçün bir sıra qaydalara da əməl olunmalıdır. Bu qaydalardan ən əsası isə telefonla danışmamaq və mühərriki söndürməkdir.

Bəs qeyd edilənlərə əməl etmək niyə bu qədər vacibdir?

Qəza əleyhinə kursların məşqçisi Aqil Rəhimov Avtosfer.az-a açıqlamasında bildirib ki, avtomobilə yanacaq doldurarkən mühərrikin söndürülməsi həm təhlükəsizlik, həm də texniki səbəblərdən böyük əhəmiyyət kəsb edir:

“Mühərrikin söndürməyin ilk səbəbi təhlükəsizlikdir. Avtomobil işləyərkən yanacaq sistemi və elektrik hissələri də aktivdir. Yanacaq nasosunun yanında olduğumuzu və təbii ki, yanacaqdoldurma məntəqəsində olduğumuzu nəzərə alsaq, yanacaq buxarlarının sıx olduğu yerlərdə qığılcımların yaranması ehtimalı var. Mühərrikin söndürülməsi mümkün qığılcım riskini azaldır və yanğın təhlükəsizliyini təmin edir”.

Eltac