"Yaşayan Nostradamus"dan şokedici öngörmə

Özünü "yaşayan Nostradamus" adlandıran braziliyalı parapsixoloq Atos Salome ABŞ və İsrailin İrana qarşı mümkün müharibəsi ilə bağlı yeni proqnozlarını açıqlayıb.

Avtosfer.az Oxu.az-a istinadən xəbər verir ki, o, bu barədə "Daily Star" nəşrinə müsahibəsində danışıb.

Salome xəbərdarlıq edib ki, mövcud münaqişə "daha əvvəl görünməmiş məhvetmə müharibəsinə" çevrilə bilər.

39 yaşlı Salome xatırladıb ki, o, hələ bir müddət əvvəl 2026-cı ilin ikinci rübündə İsrailin İrana birbaşa hücum edəcəyini proqnozlaşdırmışdı. İndi isə parapsixoloq münaqişənin hələ yeni başladığını iddia edir:

"Baxmayaraq ki, ilk zərbə proqnozlaşdırılan vaxtda baş verib, qarşıda hələ çox hadisələr var. Tehranın cavabı və regiondakı müttəfiq qruplaşmaların prosesə qoşulma ehtimalı göstərir ki, bu gərginlik görünməmiş miqyasda dağıdıcı müharibəyə çevrilə bilər".

Parapsixoloqun fikrincə, bu müharibə yeni müdafiə texnologiyalarının tətbiqi və sarsıdıcı kiberhücumlarla müşayiət olunacaq. Eyni zamanda, Salome ABŞ-nin əslində İrana birbaşa hərbi müdaxilə planlaşdırmadığını ehtimal edir. Onun fikrincə, Vaşinqtonun əsas məqsədi Tehranı enerji resurslarını, xüsusilə də Çinə neft ixrac etmək imkanından məhrum etməkdir.