24 yaşına qədər şəxsiyyət vəsiqəsiz qalan Gülxanım danışdı - VİDEO

Yevlaxda anadan olandan bəri 24 il heç bir şəxsiyyət vəsiqəsi və ya doğum şəhadətnaməsi olmadan yaşayan Gülxanım Kərimova nəhayət, sənədləşmə prosesini başa çatdıra bilib.

2001-ci ildə dünyaya gələn Gülxanım Kərimova sənədlərinin olmaması səbəbindən 2020-ci ildə Mustafa Süleymanovla qurduğu ailə həyatını rəsmi dövlət qeydiyyatına ala bilməyib. Bu problem 2023-cü ildə onun ana olmasından sonra daha da aktuallaşıb, çünki rəsmi sənədi olmadığına görə övladı üçün doğum haqqında şəhadətnamə ala bilməyib.

Məsələnin həlli üçün məhkəməyə müraciət edən Gülxanım Kərimovanın işinə Yevlax Rayon Məhkəməsində baxılıb.

Nəhayət, oktyabrın 16-da Yevlax Rayon Məhkəməsinin qərarı ilə 24 yaşlı Gülxanım Kərimovanın anadan olması faktı rəsmi şəkildə qeydə alınıb.

Gülxanım Kərimova sənədsiz yaşamağın çətinliklərindən danışıb: "5 ildir ailə qurmuşam, sənədim olmayıb. İndi istəyirəm sənəd çıxarım. Heç evim yoxdur, kirayədə qalıram".

Daha ətraflı Baku TV-nin süjetində: