AAAF Parkda 14 saatdır su yoxdur

Xırdalan şəhəri, Heydər Əliyev prospektində yerləşən AAAF Yaşayış Kompleksində 14 saatdır ki, su gəlmir. 

Bu barədə müraciət edən sakinlər məlumat verib. 

Məsələ ilə bağlı Azərbaycan Dövlət Su Ehtiyatları Agentliyinə sorğu ünvanladıq. Qurumdan bildirildi ki, həmin ünvanı qidalandıran su anbarında dezinfeksiya işləri aparılır: “Buna baxmayaraq ehtiyat xətlə suyun verilməsi  həyata keçirilib, yaxın saatlarda işlər yekunlaşacaq”.(qafqazinfo)