ABŞ Çin aviaşirkətlərinin Rusiyanın hava məkanından istifadəsinə qarşı çıxır

ABŞ Nəqliyyat Nazirliyi Çin aviaşirkətlərinə Birləşmiş Ştatlara və oradan reyslər həyata keçirərkən Rusiyanın hava məkanından keçmələrinə qadağa qoyulmasını təklif edib.

Avtosfer.az xəbər verir ki, bu barədə məlumatı "Reuters" müvafiq əmr layihəsinə istinadla yayıb.

Amerika şirkətləri 2022-ci ildə ABŞ aviadaşıyıcılarına Rusiya üzərindən uçmaq qadağan edildiyi halda, Çin şirkətlərinə Birləşmiş Ştatlara və oradan reyslər həyata keçirərkən Rusiya hava məkanından keçmələrinə icazə verən qərarı çoxdan tənqid edirlər.

ABŞ Nəqliyyat Nazirliyinin hazırladığı sənəddə deyilir ki, bu ziddiyyət ciddi rəqabət amilinə çevrilib.

Bildirilir ki, Donald Tramp Administrasiyası belə bir qadağa təklifi ilə oktyabrın 9-da çıxış edib.