ABŞ üçün “USS Enterprise” aviadaşıyıcısının inşasına başlanılır

ABŞ Hərbi Dəniz Qüvvələri üçün “Enterprise” (CVN-80) adlı aviadaşıyıcının təməlqoyma mərasimi keçirilib. Ordu.az xəbər verir ki, gəminin tikintisi “Huntington Ingalls Industries” (HII) şirkəti tərəfindən həyata keçirilir.

CVN-80 “Gerald R. Ford” sinfinə məxsus üçüncü aviadaşıyıcı gəmidir. Gəmilər “Nimitz” sinfinə məxsus avidaşıyıcıları əvəz etmək üçün nəzərdə tutulub.

“Enterprise” ABŞ Hərbi Dəniz Qüvvələri üçün tikiləcək 2 aviadaşıyıcıdan birincisidir. “Doris Miller” (CVN 81) adlı ikinci gəmi üzərində işlər davam edir.