ADEX: Türkiyə MEMATT minatəmizləmə maşını təqdim edib

Türkiyənin “ASFAT” müdafiə şirkəti Azərbaycanın paytaxtı Bakıda keçirilən 4-cü Beynəlxalq Müdafiə Sərgisi çərçivəsində uzaqdan idarə olunan MEMATT minatəmizləmə maşını təqdim edib. Ordu.az xəbər verir ki, onun hazırlanması zamanı piyada əleyhinə minaların zərərsizləşdirilməsi və təhlükəli ərazidə mövcud bitki örtüyünün təmizlənməsi üçün ən müasir texnologiyalardan istifadə edilib.

Bu texnika 500 metr məsafədən idarə oluna bilir. Maşının sürəti 4 km/saata çatır. MEMATT-ın təchiz olunduğu avadanlıqlar torpağı 25 santimetr dərinliyə qədər qazmağa və təmizlik işləri aparmağa imkan verir. Texnika 1 saat ərzində 1,7 metr enində və 1 kilometr uzunluğunda ərazini minalardan təmizləmək qabiliyyətinə malikdir. MEMATT-ın çəkisi 12,5 tondan artıq, dizel mühərrikinin həcmi isə 290 litrdir. Aparatın uzunluğu 6,6 metrdir.

Türkiyə minatəmizləmə maşını texnikası və gücləndirilmiş zirehli korpus sayəsində tapşırıqları uğurla yerinə yetirə bilir.