ADSEA-ya Naxçıvanda əlavə səlahiyyət verildi

Prezident İlham Əliyev Azərbaycan Respublikası Prezidentinin 2023-cü il 5 iyun tarixli 3910 nömrəli Sərəncamı ilə təsdiq edilmiş "Naxçıvan Muxtar Respublikasının sosial-iqtisadi inkişafına dair 2023-27-ci illər üçün Dövlət Proqramı"nda dəyişiklik edilməsi haqqında Sərəncam imzalayıb.

Avtosfer.az President.az-a istinadən xəbər verir ki, sərəncamla Azərbaycan Respublikası Prezidentinin 2023-cü il 5 iyun tarixli 3910 nömrəli Sərəncamı (Azərbaycan Respublikasının Qanunvericilik Toplusu, 2023, № 6 maddə 806 (Cild I) ilə təsdiq edilmiş "Naxçıvan Muxtar Respublikasının sosial-iqtisadi inkişafına dair 2023-2027-ci illər üçün Dövlət Proqramı"nın "8. Dövlət Proqramının həyata keçirilməsinə dair Tədbirlər Planı" hissəsinin 8.7.11-ci yarımbəndinin "Əsas icraçı orqan (qurum)" sütununda "NMR NK" akronimi "ADSEA" akronimi ilə, "Digər icraçılar" sütununda "ADSEA" akronimi "NMR NK" akronimi ilə əvəz edilsin.

Beləliklə, rayon mərkəzlərinin və kəndlərin içməli su təminatının artımı ilə bağlı tədbirlər görülməsi üzrə əsas icraçı orqan Azərbaycan Dövlət Su Ehtiyatları Agentliyi (ADSEA), digər icraçı isə Naxçıvan Nazirlər Kabineti olur.