Avropa ölkəsində güclü tornado: Ölən və yaralananlar var - FOTO/VİDEO

Çex Respublikasının Cənubi Moraviya regionunu cənginə alan güclü tornado azı üç nəfərin ölümünə səbəb olub.

Bu barədə “Ceske Noviny” portalı xəbər verir.

Bildirilir ki, güclü külək və tennis topları boyda dolu ilə müşayiət olunan tornado əsasən Brjetslav və Hodonin bölgələrini vurub. Təbii fəlakət evləri və yaşıl sahələri dağıdıb, avtomobillərə zərər vurub.

Xəstəxanalara 60-dan çox insan yerləşdirilib, əlavə olaraq onlarla insana yerində tibbi yardım göstərilib. 

Xilasetmə qrupları evlərin dağıntılarını axtarmağa davam etdiyi üçün yaralıların və ölənlərin sayının artacağı istisna edilmir.///oxu.az