AYNA kanat yolunun tikintisi üçün 10 milyon manatlıq müqavilə bağladı

Azərbaycan Yerüstü Nəqliyyat Agentliyi (AYNA) Balakən rayonunda inşa ediləcək kanat yolu layihəsi üçün avadanlıqların alınması və çatdırılması ilə bağlı satınalma həyata keçirib.

Avtosfer.az xəbər verir ki, bir mənbə metodu ilə keçirilən satınalma üzrə işin icrası "Archico" MMC-yə həvalə olunub.

Müqavilənin ümumi dəyəri 10 milyon 421 min 760 manat təşkil edir.

Sənədlərə əsasən, layihəyə 2026-cı il dekabrın 30-da yekun vurulacaq.

Qeyd edək ki, Prezident İlham Əliyev bu il mayın 8-də Balakən rayonunun Heydər Əliyev parkında sərnişin kanat yolunun layihələndirilməsi və tikintisi ilə bağlı tədbirlər haqqında Sərəncam imzalayıb.

Sərəncama əsasən, Prezidentin ehtiyat fondundan Rəqəmsal İnkişaf və Nəqliyyat Nazirliyinə beş milyon manat vəsait ayrılıb.