Azərbaycanda 20 milyon manat investisiya dəyəri olan müəssisə yaradılır: 100 nəfər işləyəcək - FOTO

“Bakı karton və qutu fabriki” MMC-yə Sumqayıt Kimya Sənaye Parkının rezidenti statusu verilib və bununla da rezidentlərin sayı 39-a çatıb.

Bu barədə iqtisadiyyat naziri Mikayıl Cabbarov “X” sosial şəbəkəsindəki hesabında yazıb.

Nazir qeyd edib ki, şirkət Sənaye Parkının ərazisində inşaat materiallarının və aqrosənaye məhsullarının qablaşdırılması üzrə karton kağızın istehsalı fabriki yaradacaq. İnvestisiya dəyəri 20 milyon manat olan müəssisədə 100 nəfərin daimi iş yeri ilə təmin olunması nəzərdə tutulur”.