Bağçalara növbəyə yazılma prosesinə başlanılır

2025-2026-cı tədris ili üzrə oktyabrın 2-si saat 11:00-dan etibarən məktəbəqədər təhsil müəssisələrinə növbəyə yazılma prosesinə yenidən start verilir. 

Avtosfer.az xəbər verir ki, qəbul prosesi bq.edu.az portalı vasitəsi ilə elektron formada həyata keçirilir.

Bildirilir ki, məktəbəqədər təhsil müəssisələrinə qəbul sistemində növbə yaradarkən bir uşaq üçün maksimum üç məktəbəqədər təhsil müəssisəsini seçmək mümkündür. Mövcud növbələrin boş yer olduğu halda sorğuya çevrilməsi prosesi minimum beş gündən sonra həyata keçiriləcək.

Qeyd edək ki, uşaqların məktəbəqədər təhsil müəssisələrində boş yerlərə qəbulu il boyu davam etdiriləcək.