Bakıda ağac paytaxt sakinin üzərinə düşərək onu komatoz vəziyyətinə salıb - VİDEO

Bakının Nərimanov rayonunda güclü külək zamanı ağacın budağı qırılaraq gənc oğlanın üzərinə düşüb.

Avtosfer.az xəbər verir ki, hadisə Təbriz küçəsi 94 ünvanında qeydə alınıb.

1992-ci il təvəllüdlü Şüyüflü Araz Teyfuq oğlu səkidə hərəkət edərkən güclü külək ağacın iri budağını qoparıb. Budaq T.Şüyüflünün üzərinə düşüb. O, ağır bədən xəsarətləri alaraq xəstəxanaya çatdırılıb.

Həkimlərin verdiyi məlumata görə, T.Şüyüflü almacıq və topuq sümüyünün sınığı, o cümlədən qapalı kəllə-beyin travması ilə reanimasiya şöbəsinə yerləşdirilib. O, komatoz vəziyyətindədir.

Faktla bağlı araşdırma aparılır.