Bakıda xəsarətlə nəticələnən yol-nəqliyyat hadisəsi baş verib.

Avtosfer.az xəbər verir ki, hadisə paytaxtın Binəqədi rayonunda qeydə alınıb.

Belə ki, rayon ərazisində motosikletlə avtomobilin toqquşması nəticəsində 1999-cu il təvəllüdlü, Əfəndiyev Nicat Xeyirbəy oğlu xəsarət alıb.

Yaralı təcili tibbi yardım briqadasının köməkliyi ilə xəstəxanaya çatdırılıb. Ona sağ dizin və döş qəfəsinin əziyi diaqnozları qoyulub.