Avtomobilin lyukuna yaxın məsafədən su vurularsa, nə baş verər? – XƏBƏRDARLIQ – VİDEO

Avtomobillərin yuyulması zamanı yüksək təzyiqli su aparatından düzgün istifadə edilməməsi bəzi detalların zədələnməsinə, eləcə də salonun su almasına səbəb ola bilər. Xüsusilə lyuklu avtomobillərdə yuyulma zamanı rezin birləşmələrə yüksək təzyiqlə su vurulması arzuolunmazdır.
Avtosfer.az xəbər verir ki, bu barədə “Avto FM” radiosunun efirində lyukların təmiri üzrə mütəxəssis Samir Bəykişiyev danışıb.
O bildirib ki, avtomobil yuyulduqdan sonra lyukun kənarlarından salona su damcılaması hər zaman rezinlərin sıradan çıxması ilə əlaqəli deyil. Bu, avtomobilin konstruksiyasından, lyukun vəziyyətindən və ən əsası, yuyulma zamanı suyun hansı məsafədən və hansı təzyiqlə vurulmasından asılıdır.
Mütəxəssisin sözlərinə görə, hətta yeni avtomobillərdə belə yüksək təzyiqli su aparatını lyukun rezinlərinə çox yaxın məsafədən tutduqda suyun salona keçməsi mümkündür.
Avtomobil yuyucuları lyukun rezin birləşmələrinə birbaşa və yaxın məsafədən yüksək təzyiqli su vurmamalıdırlar. Çünki güclü su axını rezinlərin suyu kənarda saxlamaq qabiliyyətini aşa və suyun içəri daxil olmasına səbəb ola bilər.
Samir Bəykişiyev qeyd edib ki, avtomobilin damında, xüsusilə lyukun ətrafında quş ifrazatı və digər çətin təmizlənən çirklər olduqda belə, yüksək təzyiqli aparatı rezinlərə yaxınlaşdırmaq düzgün deyil. Bu cür çirklərin təmizlənməsi üçün xüsusi vasitələrdən və uyğun parçalardan istifadə etmək daha məqsədəuyğundur.
Mütəxəssis vurğulayıb ki, problem hər zaman lyukun rezinlərində olmur. Bəzi hallarda əsas səbəb avtomobilin yuyulması zamanı su təzyiqinin və məsafəsinin düzgün seçilməməsidir. Buna görə də sürücülər avtomobillərini yuduzdurarkən lyukun rezin birləşmələrinə yüksək təzyiqlə birbaşa su vurulmamasına diqqət etməlidirlər.
Eltac Zülfüqaroğlu
Avtomobildə telefonu tutacağa yerləşdirib xəritədən istifadə etmək olarmı? – AÇIQLAMA - VİDEO
Bakıda piyadaların üzləşdiyi təhlükə ilə bağlı DİN-dən AÇIQLAMA - VİDEO
Sürücü telefona baxdığı 2 saniyədə avtomobili nə qədər idarə edir? – VİDEO
Yağıntılı havada avtomobilin arxası sürüşərsə nə etmək lazımdır? - AÇIQLAMA
“STOP” nişanına görə cərimələnməmək üçün nə etmək lazımdır? – TÖVSİYƏ - VİDEO
Sürücülərin nəzərinə! - Avtomobil yollarında vəziyyət AÇIQLANDI
Dəmir yollarında təhlükəsizlik məsələsi necə həll oluna bilər? – DEPUTAT - VİDEO
Sürücülük vəsiqəsinin vaxtı keçən sürücünü hansı cərimə gözləyir – QANUN NƏ DEYİR? – VİDEO
100 km/saat sürət yığan elektrik vasitəsi velosiped zolağında hərəkət edə bilər? – ARAŞDIRMA – VİDEO
Şəhər daxilində ən təhlükəsiz hərəkət zolağı hansıdır? – TÖVSİYƏ – VİDEO
17 yaşında sürücülük vəsiqəsi almaq olar – QANUN NƏ DEYİR? – VİDEO












