Bakıda binanın damında hovuz tikənin kimliyi bilindi - YENİ DETALLAR - FOTO

Bakıda binanın damında hovuz tikən şəxslə bağlı maraqlı fakt ortaya çıxıb.

Əldə etdiyimiz məlumata görə, həmin hovuzu binanın ən sonuncu mərtəbəsində yaşayan Valeh Abbasəliyev tikibmiş.

Hovuzun tikilməsindən ev sahibinin qonşusunun da məlumatı olub. Həmin vaxt onların arası yaxşı imiş. Hətta qonşular hovuzun ətrafında bir yerdə istirahət də ediblərmiş. Sonradan qonşuların arası dəyib. Digər qonşu V.Abasəliyevin binanın damında hovuz tikməsi barədə aidiyyatı qurumlara məlumat verib.

Aidiyyatı qurumlar da gəlib hovuzu söküblər./lent.az

***12:00

Azadlıq prospekti 13 ünvanında  çoxmərtəbəli yaşayış binasının damında qanunsuz olaraq hovuz və tikili inşa edilib. 

Avtosfer.az xəbər verir ki, məsələ ilə bağlı Nəsimi Rayon İcra Hakimiyyəti tərəfindən dərhal tədbirlər görülüb.

Belə ki, sözügedən binanın damında qanunsuz tikililərin sökülməsi istiqamətində işlərə başlanılıb. 

Qeyd edək ki, bu qanunsuz tikililər binanin dam örtüyü və konstruksiyası üçün ciddi təhlükə yaradıb.