Bakıda Yeni ilin ilk günü evdən 18 minlik OĞURLUQ

Bakıda evdən külli miqdarda oğurluq edilib.

Daxili İşlər Nazirliyindən Avtosfer.az-a verilən xəbərə görə, yanvarın 1-də Binəqədi rayonu ərazisindəki evlərin birindən 5000 manat, 2000 ABŞ dolları, 100 avro pul, 8000 manat dəyərində qızıl-zinət əşyaları və 500 manat dəyərində noutbuk oğurlanıb.

Binəqədi rayon Polis İdarəsinin 40-cı Polis Bölməsi əməkdaşlarının keçirdikləri əməliyyat-axtarış təbdirləri nəticəsində oğurluqda şübhəli bilinən paytaxt sakinləri Kamil Məmmədov və Qismət Nəcəfli müəyyən olunaraq saxlanılıblar.

Araşdırma aparılır.