Bakıda yollarda qara görə endirilən sürət həddi əvvəlki vəziyyətinə qaytarılıb

Bakıda qarlı və küləkli hava şəraiti səbəbindən bir sıra yollarda endirilən sürət həddi artırılıb.

Avtosfer.az xəbər verir ki, bu barədə Daxili İşlər Nazirliyi Nəqliyyatı İntellektual İdarəetmə Mərkəzi məlumat yayıb.

Məlumata görə, Zığ dairəsi-Hava Limanı, Buzovna-Zağulba yollarında, Mərdəkan şosesində və Heydər Əliyev prospektində endirilən sürət həddi bərpa edilərək əvvəlki vəziyyətinə qaytarılıb.