Balakəndə binada təmir işləri aparan şəxs yıxılaraq ölüb

Ağdam rayon sakini Balakəndə bədbəxt hadisə nəticəsində ölüb.

Avtosfer.az-ın məlumatına görə, hadisə ötən gün Balakən şəhər ərazisində baş verib.

1980-ci il təvəllüdlü Ağdam rayon sakini Teymur Rəhim oğlu Quliyev binada təmir işləri aparan zaman ehtiyatsızlıqdan yıxılıb.

Hadisə zamanı müxtəlif dərəcəli ağır bədən xəsarətləri alan T. Quliyev hadisə yerində ölüb.

Fakta bağlı Balakən rayon prokurorluğunda araşdırma aparılır.

apa