Belarusun Baş naziri Aleksandr Turçin Azərbaycana rəsmi səfərə gəldi - VİDEO - YENİLƏNİB

Azərbaycan Baş naziri Əli Əsədov və Belarus Baş naziri Aleksandr Turçin arasında təkbətək görüş keçirilir.

Avtosfer.az bu barədə APA-ya istinadən xəbər verir.

***12:53

Belarus Respublikasının Baş naziri Aleksandr Turçin mayın 5-də Azərbaycan Respublikasına rəsmi səfərə gəlib.

Avtosfer.az AZƏRTAC-a istinadən xəbər verir ki, hər iki ölkənin Dövlət bayraqlarının dalğalandığı Heydər Əliyev Beynəlxalq Aeroportunda qonağın şərəfinə fəxri qarovul dəstəsi düzülmüşdü.

Belarusun Baş naziri Aleksandr Turçini hava limanında Azərbaycan Respublikası Baş nazirinin müavini Samir Şərifov, xarici işlər nazirinin müavini Elnur Məmmədov və digər rəsmi şəxslər qarşılayıblar.

***

Belarusun Baş naziri Aleksandr Turçin rəsmi səfərlə Azərbaycana gəlir.

Avtosfer.az-ın xəbərinə görə, bu barədə "BELTA" nəşri məlumat verib.

Məlumata görə, səfər zamanı Aleksandr Turçin ilə respublika rəhbərliyi arasında görüş planlaşdırılır. Belarus hökumətinin başçısı, həmçinin Belarus-Azərbaycan biznes forumunda da iştirak edəcək və forumun yekununda bir sıra müqavilələrin imzalanması nəzərdə tutulur.