Bəzi hava limanlarının fəaliyyətinə məhdudiyyətlər qoyuldu

Rusiyanın dörd şəhərinin hava limanları bu gün səhər tezdən təyyarələrin gəlişi və yola salınmasına müvəqqəti məhdudiyyətlər tətbiq edib.

Avtosfer.az xəbər verir ki, bu barədə Rusiya Federal Hava Nəqliyyatı Agentliyi məlumat yayıb. 

Bildirilir ki, söhbət Kazan (UWKD), Kirov (Pobedilovo; USKK), Saratov (Qaqarin; UWSG), Ulyanovsk (Baratayevka; UWLL) hava limanlarından gedir.

Qeyd edək ki, Rusiya Müdafiə Nazirliyi ötən gecə hava hücumundan müdafiə sistemlərinin Saratov vilayəti də daxil olmaqla, ölkənin 5 rayonunda Ukraynaya məxsus 40 pilotsuz uçuş aparatını ələ keçirərək məhv etdiyini bildirib.