Bir gecədə 25 avtomobil yandırdı – Həbs edildi

Polis tərəfindən 25 avtomobili yandıran gənc saxlanılıb.

Avtosfer.az xəbər verir ki, hadisə Fransada baş verib.

Belə ki, dekabrın 27-nə keçən gecə Fransanın qərbindəki Tuar kommunasının küçələrində 25 avtomobil yandırılıb. Prokrurluqdan verilən açıqlamaya görə tez bir zamanda yanğının baş verdiyi yerlərin yaxınlığında görülən gənc şübhəli kimi qeydə alınıb. Həmin şəxs hadisədən 24 saat keçmədən saxlanılıb.

Yanğın zamanı hansı avtomobillərə ziyan dəydiyi məlum deyil. Məlumata görə, saxlanılan şəxsin 18 yaşı var və cinayət sübuta yetirilərsə, növbəti 10 ilini həbsdə keçirə bilər.

Məhəbbət Tərlanoğlu