“Boeing 737 MAX 9”un Avropada uçuşu dayandırılıb

Avropa İttifaqının Aviasiya Təhlükəsizliyi Agentliyi (EASA) “Boeing 737 MAX 9” sərnişin təyyarəsinin qapılarından birində baş vermiş son insidentdən sonra aparılan yoxlamanın nəticələrinə qədər müvəqqəti dayandırılmasını təsdiqləyib.

Agentliyin açıqlamasında “EASA” “FAA”nın (ABŞ Federal Aviasiya Administrasiyası) “Boeing 737” seriyasına aid “MAX 9” təyyarələrinin yoxlanılması ilə bağlı əmr-direktivini təsdiq etdiyi və qəbul olunduğu bildirilib.

Qeyd edək ki, “FAA” direktivinin ortaya çıxmasına və Avropa tənzimləyicisinin sonrakı qərarına səbəb Amerikanın Alaska Airlines aviaşirkətinin MAX 9 təyyarəsi ilə insident olub. Yanvarın 5-də təcili çıxış lyuku təyyarənin salonundan uçduqdan sonra təyyarə Portlenddə məcburi eniş edib. Ekipaj gəmidə olan sərnişinlərə təzyiq problemi ilə bağlı xəbərdarlıq edib və enməyə başlayıb. Təyyarənin göyərtəsində 171 sərnişin və 6 ekipaj üzvü olub, heç kim xəsarət almayıb.

Məhəbbət Tərlanoğlu