Britaniya ordusu üçün yeni döyüş maşınları hazırlanır

"Babcock International Group" və "Supacat" şirkətləri Böyük Britaniya ordusu üçün 70 ədəd "Jackal 3" döyüş maşınının istehsalına başlayıb.

Bu barədə "Army Recognition" portalı məlumat yayıb.

"Babcock"un baş direktoru Devid Lokvud deyib ki, "Jackal" maşınları Böyük Britaniyada təhlükəsizliyin qorunmasına kömək edəcək:

"Qlobal qeyri-müəyyənliyin hökm sürdüyü bu vaxtda Britaniya ordusuna Jackal 3-ün tədarükü müsbət qiymətləndirilməlidir".

"Supacat"ın baş icraçı direktoru Nik Eyms isə bəyan edib ki, yeni döyüş maşını 25 illik xüsusi və 45 illik korporativ inkişafın nəticəsidir.

"Komandamız onları qısa müddətə çatdırmaq, qabaqcıl texnologiyadan istifadə etmək üçün Müdafiə Nazirliyi ilə sıx əməkdaşlıq edib. Biz gələcəkdə də Britaniya ordusunu yüksək səviyyəli məhsullarla təmin edəcəyik. Texnikanın istehsalını 2024-cü ilin sonunadək başa çatdırılması planlaşdırılır". (report)