Bu hava limanı 56 gündən sonra uçuşları bərpa edib

Dekabrın 29-da “Jeju Air” aviaşirkətinin sərnişin təyyarəsinin qəzaya uğraması nəticəsində tamamilə bağlanan Muan Beynəlxalq Hava Limanı 56 gündən sonra təcili tibbi yardım və təhsil təlimləri üçün uçuşları bərpa edib.

Avtosfer.az xəbər verir ki, bu barədə Yonhap agentliyi məlumat yayıb. Bildirilib ki, aviasiya rəhbərləri bazar günü axşam saat 9-dan başlayaraq xilasetmə, axtarış və tibbi təxliyə üçün hava limanının idarəetmə qülləsi tərəfindən təsdiqlənmiş uçuşlara icazə verib.

Hazırda orada 5 universitet və 3 özəl təşkilat 21 təyyarə ilə uçuş təlimi keçirir.

Qeyd edək ki, bu, son bir ayda Cənubi Koreyada təyyarələrlə bağlı 2-ci hadisədir. Dekabrın 29-da “Jeju Air” aviaşirkətinin sərnişin təyyarəsinin Muan şəhərinin beynəlxalq hava limanına qəza enişi zamanı uçuş zolağından çıxaraq beton hasara çırpılması nəticəsində təyyarə yanmış, nəticədə 175 sərnişinin hamısı, habelə 6 ekipaj üzvündən 4-ü həyatını itirmişdi.