Bu ölkədə sürücülər marixuana çəkə bilər

Dünyanın əksər ölkələrində narkotik vasitələrə qarşı mübarizə aparıldığı halda, bəzi Avropa ölkələrində narkotik vasitələr leqallaşdırılır. Əlbəttə ki, bu, stimullaşdırma deyil, sırf tibbi kömək xarakteri daşıyır.

Avtosfer.az xəbər verir ki, Almaniyada 2024-cü ilin yayından etibarən marixuanadan tibbi məqsədlə istifadəyə icazə verilir. Hətta marixuana çəkərən maşın da sürmək mümkündür. Bu şərtlə ki, narkotik tərkibli maddənin qanda miqdarı 3,5 nanoqramı keçməsin.  Bir daha xatırlatmaq yerinə düşər ki, söhbət yalnız marixuanadan gedir, patıdan deyil.

Həkimlər bildirirlər ki, bu doza sürücünün ətraf mühitə reaksiyasını pisləşdirmir. Lakin bu heç də kiminsə sükan arxasında marixuana çəkməsinə əsas vermir. Marixuana istifadə edən sürücü azı 5 saat gözləməlidir ki, qanda səviyyə qaydasına endin. Aludəçilər isə normaya çatmaz üçün azı 3 gün gözlləməlidirlər. 
Qaydanı pozan şəxsi 500 avro cərimə və sürücülük vəsiqəsinin 1 illik məhdudlaşdırılması gözləyir. Halbuki alkoqolun təsiri altında olan sürücü azı 1000 avro cərimə edilir. 

Digər narkotik vasitələrdən istifadə qadağandır, cəzası daha ciddidir. 

Lakin heç də bütün sürücülər marixuana çəkə bilməz. Avtobus, taksi və yük avtomobili sürücüləri üçün sıfır dözümlülük siyasəti tətbiq edilir. Həm də, marixuanadan istifadəyə icazə sırf Almaniya vətəndaşları üçündür.  Başqa sözlə, bir azərbaycanlı sürücü qanında hətta yolverilən dozadan aşağı narkotiklə tutulsa həm cərimə, həm də deportasiya ediləcək.

Vüqar Yaşaroğlu