"Çaqayev" Bakıdakı idman zalını satdı - Ölkədən gedəcəyi iddialarına cavab verdi

Məşhur azərbaycanlı idmançı, "Çaqayev" ləqəbi ilə tanınan Emin Babayevdən xəbər var.

Avtosfer.az unikal-a istinadən xəbər verir ki, "Çaqayev" "Ağ Şəhər"də yerləşən idman zalını satıb. Xatırladaq ki, o, zalı 300 min manata satışa çıxarmışdı.

Emin Babayev saytımıza açıqlamasında bildirib ki, hazırda Rusiyanın paytaxtı Moskva şəhərindədir: "Burada ağır çəkili insanlar üçün ödənişsiz məşq proqramı təşkil etmişik. Onları Bakıya gətirəcəyik. Bakıda daha böyük bir idman zalı olacaq. Onu da qeyd edim ki, Azərbaycandan getmək fikrim yoxdur. Yaxın günlərdə ölkəyə qayıdacağam", - deyə o qeyd edib.

Xatırladaq ki, bir müddət əvvəl "Çaqayev"in Azərbaycanı tərk edəcəyinə dair iddialar səsləndirilirdi.