Alaşar kəndində yollar bərbad vəziyyətdədir - FOTO

Cəlilabadın Alaşar kəndində yollar bərbad vəziyyətdədir.

Bu barədə "Report"un yerli bürosuna kənd sakinləri məlumat verib.

Onların sözlərinə görə, kəndin 4 əsrlik tarixi var:

"Yolumuzdan şikayətçiyik. Bütün fəsillərdə bu yol bizə çətinliklər yaradır. Rayon mərkəzinə gedib gəlmək bizə daha çox əziyyət verir. Yolumuz asvalt olsa, heç bir əziyyət çəkmərik. Rahat gedib-gələrik. Axşam saatlarında yolda işıqlanma sistemi olmadığı üçün hərəkət etmək tamamilə çətinləşir".

Məsələ ilə bağlı Cəlilabad Rayon İcra Hakimiyyətindən bildirilib ki, kəndin yolları 2023-cü ildə təmir olunaraq asfaltlaşdırılacaq.