Digah sakinləri boş avtobus tapa bilmirlər - VİDEO

Abşeron rayonunda Məmmədli, Digah və Binəqədi yolundan istifadə edən sakinlər marşururt sarıdan əziyyət çəkir.

Xüsusən də Digah qəsəbə sakinləri çarəsiz qalıb.

Həftə içi adam çox olduğundan 147 nömrəli marşurut ancaq dolu gəlir. Belə olan halda əsasən Digah qəsəbə sakinləri bu marşururtdan istifadə edə bilmirlər.

“Şagirdlər dərsə, sakinlər isə gedəcəkli ünvana  gecikirlər.”

Sakinlərin sözlərinə görə, bu xətt üzrə istifadəyə verilən 147 nömrəli marşurut xidmət üçün yararlı deyil. Əhali sayının günü gündən artdığına görə əlavə marşrut olmalıdır.

Digah qəsəbə Bələdiyyəsindən bildirildi ki, məsələ onları da narahat edir. Məhz bununla bağlı, aidiyyəti qurumlara müraciət də ediblər, cavab gözləyirlər.