Doqquz ayda dəmir yolu ilə yeddi milyondan çox sərnişin daşınıb

2025-ci ilin ilk doqquz ayında dəmir yolu ilə ümumilikdə 7 milyon 156 min 830 sərnişin daşınıb.

Avtosfer.az xəbər verir ki, bu statistika "Azərbaycan Dəmir Yolları" Qapalı Səhmdar Cəmiyyəti III rübünə aid hesabatında əksini tapıb.

Hesabata görə, birinci rübdə 2 074 443, ikinci rübdə 2 573 998, üçüncü rübdə isə 2 508 389 sərnişin daşınıb.

Hesabat dövründə sərnişindaşımanın əsas hissəsini şəhərətrafı marşrutlar təşkil edib. Bu istiqamət üzrə I rübdə 1 950 270, II rübdə 2 450 906, III rübdə isə 2 373 682 sərnişin qatarlardan istifadə edib.

Ölkədaxili istiqamətlər üzrə daşınma göstəriciləri I rübdə 124 173, II rübdə 123 092, III rübdə isə 134 707 sərnişin olub.

Ümumilikdə ilin ilk doqquz ayı ərzində şəhərətrafı istiqamətlərdə 6 milyon 774 min 858, daxili istiqamətlərdə isə 382 min sərnişin daşınıb.

Bu dövrdə beynəlxalq sərnişin daşımaları üzrə statistika sıfır olub.