Dünyanın ən ucuz avtomobili velosipedlə yarışa çıxdı  - VİDEO

“Cars” təşkilatı Hindistanın “Bajaj Qute” markalı avtomobili ilə velosiped arasında yarış təşkil edib.
Əslində “Bajaj Qute” kvadrisikl hesab olunur. Onun mühərrikinin həcmi 216 kubmetr, gücü isə 9,7 kVt-dır (təxminən 13 ag). 
Yarışa çıxarılan velosipedin dəyəri isə 5300 dollardır.
Qeyd edək ki, “Quite” saatda 70 kilometrə qədər sürətlənə bilər, lakin salondakı sərnişin sayından asılı olaraq bu performans aşağı düşür.
"Bajaj"ın çəkisi cəmi 400 kiloqramdır, salona sürücü də daxil olmaqla dörd nəfər yerləşir.
Yarışa başlarkən “Bajaj Qute”də dörd nəfər var idi, ikinci yarışda isə salonda yalnız sürücü əyləşir.
İki yarışdan birincisində sərnişini çox olan avtomobil velosipedə heç çata bilmir. İkincidə isə demək olar ki, yarışın nəticələri finişə qədər bəlli deyildi - velosipedçi yenidən “Qute”daha yaxşı başlayır, lakin yolun  sonuna doğru “Bajaj Qute” liderliyi ələ alır.

Avtosfer.az sosial şəbəkələrdə böyük marağa səbəb olan videonu sizə təqdim edir:

Aysel