Eks nazir anasını avtomobillə vuran sürücüyə bu sualı verdi...

Azərbaycanın sabiq daxili işlər naziri, general-leytenant Arif Heydərov haqqında az tanınan, lakin insanlıq nümunəsi kimi yadda qalan bir hadisə diqqət çəkir.
Avtosfer.az xəbər verir ki, məlumata görə, Heydərovun anası avtomobil qəzası nəticəsində həlak olub. Hadisə zamanı taksi sürücüsü böyük sürətlə idarə etdiyi avtomobillə yaşlı qadını vurub. Ekspertiza sürücünü qəzanın əsas təqsirkarı kimi müəyyən edib və bu barədə nazirə məlumat verilib.

Nazir hadisənin təfərrüatlarını öyrəndikdən sonra sürücünün ailə vəziyyəti ilə maraqlanıb:

“Uşaqları varmı?”, – deyə soruşub.

Məlum olub ki, sürücünün üç övladı var, onların ən kiçiyi isə cəmi bir yaşındadır.

Bir qədər düşündükdən sonra Arif Heydərov belə qərar verib:

“Anamı artıq qaytarmaq mümkün deyil. Uşaqları niyə cəzalandıraq, atasız qoyaq?”.

Bu sözlərlə o, anasının ölümünə səbəb olan sürücünü bağışlayıb.

Arif Heydərovun bu addımı illər keçsə də, böyük mənəvi alicənablıq nümunəsi kimi xatırlanır.(sfera.az)