Əlikram Bayramov dələduzluqla üzləşdi

Müğənni Əlikram Bayramov dələduzluqla üzləşib.

Avtosfer.az xəbər verir ki, sənətçi bu haqda "Günə bax" verilişində danışıb. O bildirib ki, müğənni Arzu Qarabağlının adından onu aldadıb pul alıblar:

"Rayonda idim, gəldim evə. Gördüm Arzu Qarabağlı status yazıb ki, vəziyyətim ağırdır, xəstəxanadaym və 250 manat lazımdır. Nə zamin lazımdırsa edim. Durdum, getdim oğluma dedim ki, bax. Arzu Qarabağlıya zəng etmədim. Oğlum dedi ki, qoy mən atım, efirdədi, adımı çəksin reklamım getsin. Sonra pulun çekini atdım, Arzu dedi ki, mən deyiləm. Hüquq mühafizə orqanlarına zəng etdim, getdim bölməyə. Oğlum ərizə yazdı. Bizdən sonra nə qədər adamı aldadıblar. Baxıram ki, adamın kartı hələ də açıqdır".