Son günlər Kürdəmir rayonunda dörd qadının evinə basqın edilərək döyülməsi haqqında iddialar yayılıb. 

Sosial şəbəkələrdə yayılan iddialara görə, naməlum şəxs ərləri Rusiyada olan və uşaqları ilə birlikdə tək yaşayan qadınları hədəfə alıb. 

Daxili İşlər Nazirliyindən “Qafqazinfo”ya bildirilib ki, hadisə ilə bağlı bir vətəndaş polisə müraciət edib:

“Həmin müraciət üzrə araşdırma aparılır, yekunda əmələ hüquqi qiymət veriləcək. Bu müraciət üzrə də basqın və ya döymə faktı qeydə alınmayıb. Sadəcə evə qanunsuz daxil olma barədə şikayət edilib. Digər üç qadının hücuma məruz qalması barədə məlumat həqiqəti əks etdirmir”.