Ermənistanda mindən çox abonent çirkab sularını Zəngiçaya axıdır

Hazırda Ermənistanda 1000-dən çox müştəri çirkab sularını birbaşa Razdan çayına (Zəngiçay) axıdır.

Avtosfer.az "AZƏRTAC"a istinadən xəbər verir ki, bu barədə İrəvan Bələdiyyəsinin Ətraf Mühitin Mühafizəsi Departamentinin rəhbəri vəzifəsini icra edən Sirarpi Haykazyan sentyabrın 29-da keçirilən müşavirə zamanı bildirib. Onun sözlərinə görə, Razdan çayı boyunca qeyri-qanuni tullantı sularının axıdılmasının qarşısını almaq üçün kanalizasiya kollektorunun tikintisi üzrə layihə hazırlanıb. Layihənin ilkin dəyəri 2 milyard dram nəzərdə tutulub.

Qeyd edək ki, mənbəyini Göyçə gölündən götürən Zəngiçay (Razdan çayı) Araz çayına tökülür.