Fermerlər traktorlarla etiraz aksiyası keçiriblər

İtaliyanın paytaxtı Romada fermerlər traktorlarla etiraz aksiyası keçiriblər.

Avtosfer.az xəbər verir ki, Latsio, Emiliya-Romanya və Toskana regionlarından yola çıxan fermerlər 23 traktorla paytaxtın İrnerio meydanına toplaşıblar.

Aksiya iştirakçıları kənd təsərrüfatı sektorunda artan problemlərə diqqət yönəltmək məqsədilə bu addımı atıblar. Kənd təsərrüfatı məhsulları üçün ədalətli qiymətin olmasının zəruriliyi bildirilib.

Etirazlara paytaxt sakinləri də qoşulublar.